فرمان الہی
نماز کے اوقات
کراچی(جنگ نیوز) مولانا شیرانی نے جمعیت علمائے اسلام پاکستان (جے یو آئی - پی) کو جمعیت علمائے اسلام (جے یو آئی- ف) سے الگ کرنے کا اعلان کردیا اور کہاکہ ہم جے یو آئی پاکستان کے رکن ہیں اور رہیں گے۔
فضل الرحمان نے جے یو آئی ف گروپ بنایا تھا۔
اسلام آباد میں جے یو آئی کے ناراض ارکان کی پریس کانفرنس میں مولانا محمد خان شیرانی نے کہا کہ مولانا فضل الرحمان نے جے یو آئی ف کے نام سے اپنا گروپ تشکیل دیا ، اب جو کچھ ہو رہا ہے دیانت اور صداقت سے عاری ہے۔
وہ جے یو آئی کے دستور کے مطابق پارٹی کے رکن ہیں اور رہیں گے ، ہمارا کوئی بھی رکن قرآن و سنت کے منافی کوئی اقدام نہیں کرے گا۔
اب جو کچھ ہورہا ہے وہ صداقت اور دیانت سے خالی ہے، ہمیں اکابرین سے سیاست وراثت میں ملی ہے۔
مولانا شیرانی نے کہا کہ یہ تمام اراکین اب اس جماعت کے رکن نہیں رہے، ساتھی اپنا فیصلہ خود کریں اللّٰہ کی رضا حاصل کرنی ہے یا اپنی خواہش کی پیروی۔
جماعت کےنظم کے لیے کسی ساتھی پر دباؤ نہیں ڈالا جائے گا۔
