فرمان الہی
نماز کے اوقات
سابق وزیرِاعظم شہید بے نظیر بھٹو اور سابق صدر آصف زرداری کی بڑی صاحبزادی بختاور بھٹو کے منگیتر محمود چوہدری نے 2021 کی اپنی پہلی تصویر سوشل میڈیا پر شیئر کردی۔
تفصیلات کے مطابق محمود چوہدری نے اپنے انسٹاگرام اکاؤنٹ پر 2021 کی اپنی پہلی تصویر شیئر کی ہے۔
مذکورہ تصویر میں محمود چوہدری نارنجی رنگ کی شرٹ اور بسکٹی رنگ کی پینٹ میں ملبوس ہیں جبکہ کورونا وائرس سے بچنے کے لیے اُنہوں نے ماسک بھی پہنا ہوا ہے۔
محمود چوہدری کی تصویر دیکھ کر اندازہ لگایا جاسکتا ہے کہ وہ متحدہ عرب امارات کے کسی ریگستانی علاقے میں موجود ہیں۔
بختاور بھٹو کے منگیتر نے تصویر شیئر کرتے ہوئے کیپشن میں سالِ نو یعنی 2021 کو خوش آمدید بھی کہا۔
دوسری جانب بختاور بھٹو نے اپنے منگیتر کی اس خصوصی پوسٹ کو لائک کیا جبکہ انسٹاگرام صارفین نے محمود چوہدری کو سالِ نو کی مبارکباد پیش کی۔
خیال رہے کہ بختاور بھٹو زرداری اور محمود چوہدری کی منگنی گزشتہ سال بلاول ہاؤس کراچی میں ہوئی تھی۔
منگنی کی تقریب میں 100 سے 150 مہمان شریک ہوئے تھے جبکہ اس موقع پر بختاور اور محمود چوہدری نے ایک دوسرے کو انگوٹھی پہنائی تھی۔
تقریب میں شریک محمود چوہدری کے اہلِ خانہ کا وفد 12 سے 15 افراد پر مشتمل تھا۔
