فرمان الہی
نماز کے اوقات
پشاور(نمائندہ جنگ) پشاور میں کھیت سے ملنے والے دستی بم سے کھیلتے ہوئے 3؍ کم عمر بچے جاں بحق جبکہ 2زخمی ہوگئے ، بچوں کو ہینڈ گرنیڈ کھیت سے ملا جو اسے گلی میں ساتھ لے آئے جو اچانک پھٹ گیا، ایک ہی گھر سے تین بچوں کے جنازے اُٹھنے پر علاقے میں کہرام مچ گیا۔ تفصیلات کے مطابق تھانہ بڈھ بیر کی حدود زنگلی میں ہینڈ گرنیڈ پھٹنے سے دو بھائی جاں بحق اور دو بچے زخمی ہو گئے ٗبچے کھیتوں سے ملنے والے ہینڈ گرنیڈ سے کھیل رہے تھے ۔محنت مزدوری کے لئے بیرون ملک مقیم ہنر شاہ سکنہ زنگلی کے کم عمر بچے اور پڑوسی کھیتوں میں کھیل رہے تھے کہ اس دورا ن انہیں ایک ہینڈ گرنیڈ ملا جسے وہ اپنے ساتھ گلی میں لے آئے بچے ہینڈ گرنیڈ کے ساتھ کھیل رہے تھے۔
