فرمان الہی
نماز کے اوقات
لاہور( نیوزرپورٹر)سپیکر پنجاب اسمبلی چوہدری پرویز الٰہی نے کہا ہے کہ انتقام کی منفی سیاست سے تکبر کی بو آتی ہے، اللہ تعالیٰ کو تکبر پسند نہیں۔ موقع ملا تو جنوبی پنجاب میں ترقی کا سفر جاری رکھیں گے،پرویز الٰہی سے ن لیگ کے سابق ایم این اے دیوان عاشق بخاری نے ملاقات کی، جس میں انہوں نے سابق وزیراعظم چوہدری شجاعت حسین کی خیریت دریافت کی۔ اس موقع پر پرویز الٰہی نے کہا کہ جنوبی پنجاب میں پہلے بھی عوام کی محرومیاں دور کرنے کیلئے عوامی فلاحی منصوبے مکمل کیے، آئندہ بھی موقع ملا تو انشا اللہ ترقی کا سفر جاری رکھیں گے۔ سابق ایم این اے دیوان عاشق بخاری کا کہنا تھا کہ شجاعت حسین اور پرویز الٰہی کی جنوبی پنجاب کیلئے خدمات کا اعتراف کرتے ہیں، جنوبی پنجاب میں پرویز الٰہی کے کاموں کو بڑی عزت کی نگاہ سے دیکھا جاتا ہے، عوام آج بھی پرویزالٰہی کے دور کو یاد کرتی ہے۔
