آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اب کس بالی وڈ اداکارہ کا انسٹاگرام اکاؤنٹ ہیک ہوا؟

ماضی میں کئی بالی وڈ اداکاراؤں کا سوشل میڈیا اکاؤنٹ ہیک ہوچکا ہے۔ اب اس لسٹ میں ایک اور اداکارہ کا اضافہ ہوگیا ہے۔

گزشتہ ایک ماہ کے دوران بالی وڈ سے تعلق رکھنے والے مختلف افراد کا انسٹاگرام اکاؤنٹ ہیک ہوچکا ہے جس میں گلوکارہ آشا بھوسلے، ہدایت کار و اداکارہ فرح خان، اُرمیلا ماٹونڈکر، امیشہ پٹیل، سشمیتاسین کی بیٹی اور دیگر افراد شامل ہیں۔

اس بار اداکارہ ایشا دیول کا انسٹاگرام اکاؤنٹ ہیک کیا گیا۔ جس کے بارے میں انہوں نے ٹوئٹر پر مداحوں کو بتایا کہ میرا انسٹاگرام اکاؤنٹ ہیک ہوچکا ہے، اگر کسی کو اس اکاؤنٹ سے کوئی پیغام ملے تو اسے نظر انداز کردیں اور اس کا جواب مت دیں۔

بعد ازاں 8 گھنٹوں بعد ایشا دیول نے دوبارہ ٹوئٹ میں بتایا کہ ان کا انسٹاگرام اکاؤنٹ بحال ہوگیا ہے جس پر انہوں نے انسٹاگرام انتظامیہ اور فلمساز اریتراداس کا مدد کرنے پر شکریہ ادا کیا۔

واضح رہے کہ ایشا دیول معروف اداکار دھرمیندر اور اداکارہ ہیمامالنی کی بیٹی ہیں جب کہ سنی دیول اور بوبی دیول ان کے سوتیلے بھائی ہیں۔

انٹرٹینمنٹ سے مزید