آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پریانکا چوپڑا کتنے بچوں کی خواہشمند؟

بھارتی اداکارہ پریانکا چوپڑا کو بچے بہت پسند ہیں جس کا اظہار انہوں نے ایک سوال کا جواب دیتے ہوئے کردیا۔ پریانکا چوپڑا اپنے شوہر گلوکار نک جونس کے ساتھ ایک مکمل خاندان کی بھی خواہشمند ہیں۔

غیرملکی میڈیا کی جانب سے پریانکا چوپڑا سے سوال کیا گیا کہ وہ اپنے شوہر نک جونس کے ساتھ کتنے بچوں کی خواہشمند ہیں تو اداکارہ پریانکا چوپڑا نے جواب دیا :’کرکٹ ٹیم‘

پریانکا نے کہا کہ ’میں زیادہ بچوں کی خواہشمند ہوں،11 بچوں کی کرکٹ ٹیم، لیکن میں اتنا یقین سے نہیں کہہ سکتی‘۔

اپنی اور نک جونس کی عمر کے مابین زیادہ فرق اور ثقافتی اختلافات سے متعلق کیے گئے سوال کا جواب دیتے ہوئے اداکارہ کا کہنا تھا کہ انہیں کوئی رکاوٹ پیش نہیں آئی، نک جونس ہندوستان میں ایسے سمائے جیسے مچھلی پانی میں۔

واضح رہے کہ بھارتی اداکارہ پریانکا چوپڑا نے امریکی گلوکار نک جونس سے دسمبر 2018 میں شادی کی تھی۔

انٹرٹینمنٹ سے مزید