آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان نے بھارت کو چونکا دیا

وزیراعظم عمران خان دُنیائے کرکٹ کے بہترین کپتان بن گئے اور اس اعزاز کے بعد پاکستانیوں نے سوشل میڈیا پر مزاحیہ میمز کے ذریعے بھارتیوں کا مذاق بنانا شروع کردیا ہے۔

انٹرنیشنل کرکٹ کونسل (آئی سی سی) نے شائقین کرکٹ کیلئے دنیائے کرکٹ کے چار بہترین کپتانوں کے حوالے سے ٹوئٹر پر پول جاری کیا، پول میں 47 فیصد ووٹ حاصل کرنے کے بعد عمران خان بہترین کپتان بن گئے۔

وزیراعظم عمران خان کی اس کامیابی اور ویرات کوہلی کی ناکامی کے بعد مائیکرو بلاگنگ سائٹ ٹوئٹر پر کچھ ہیش ٹیگز ٹاپ ٹرینڈ چل رہے ہیں۔

ان ٹاپ ٹرینڈ کی فہرست میں پہلے نمبر پر ہیش ٹیگ PakistanShocksIndia چل رہا ہے۔

اس ہیش ٹیگ کا اُردو زبان میں مطلب یہ ہے کہ پاکستان نے بھارت کو چونکا دیا ہے۔

پاکستانی ٹوئٹر صارفین اس ہیش ٹیگ کا استعمال کرتے ہوئے بھارتیوں کے لیے مزاحیہ اور دلچسپ میمز شیئر کر رہے ہیں۔

عاطف نامی صارف نے آئی سی سی کے پول کی تصویر شیئر کرتے ہوئے لکھا کہ ’عمران خان بھارت سے کہتے ہیں کہ گھبرانا نہیں ہے۔‘

ایک صارف نے عمران خان اور آئی سی سی پول کا فوٹو کولاج شیئر کرتے ہوئے لکھا کہ ’کوئی پوچھے تو کہنا کپتان آیا تھا۔‘

سید محسن عباس نامی صارف نے بھارتیوں سے مخاطب ہوکر کہا کہ ’ہم تمہیں سرپرائز دیں گے اور ہر تمہیں چونکا دیں گے۔‘

طارق نامی صارف عمران خان اور بھارتی وزیراعظم نریندر مودی کی تصویر شیئر کی جس میں مودی روتے دکھائی دے رہے ہیں۔

صارف نے تصویر شیئر کرتے ہوئے مزاحیہ انداز میں لکھا کہ ’بے بی! اس بار سراہا دو، اگلی بار تم جیت جانا۔‘

زین نامی صارف نے ایک میم شیئر کی جس پر درج تھا کہ ’بھارتیوں کا انڈر گراؤنڈ ہونے کا وقت ہوا جاتا ہے۔‘

ایک صارف نے کہا کہ ’کپتان راک، بھارت شاک۔‘

واضح رہے کہ آئی سی سی کی جانب سے رائے شماری کیلئے دیئے گئے کپتانوں میں قومی کرکٹ ٹیم کے سابق کپتان عمران خان ، بھارت کے موجودہ کپتان ویرات کوہلی، آسٹریلیا کی خواتین کرکٹ ٹیم کی موجودہ کپتان میگ لیننگ، جنوبی افریقہ کے سابق کپتان اے بی ڈویلیئرز شامل تھے۔

خاص رپورٹ سے مزید