آپ آف لائن ہیں
ہفتہ14؍رجب المرجب 1442ھ 27؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شرمیلا فاروقی کی شوہر کیساتھ تصویر مقبول

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے اپنے شوہر ہشّام ریاض شیخ کے ساتھ نئی تصویر سوشل میڈیا پر شیئر کردی۔

مختلف سرگرمیوں سے اپنے چاہنے والوں کو آگاہ رکھنے کے لیے سوشل میڈیا پر اپنی تصویریں اور ویڈیوز شیئر کرنے والی پی پی پی رہنما شرمیلا فاروقی نے اپنے تصدیق شدہ انسٹاگرام اکاؤنٹ پر مختلف اسٹوریز شیئر کی ہیں۔

انسٹاگرام اسٹوری میں شرمیلا فاروقی نے اپنے شوہر ہشّام ریاض شیخ کے ہمراہ نئی تصویر شیئر کی ہے۔

مذکورہ تصویر میں شرمیلا فاروقی خوبصورت لباس میں ملبوس ہیں جبکہ اُن کے شوہر نے پینٹ کوٹ زیب تن کیا ہوا ہے۔

شرمیلا فاروقی کی جانب سے انسٹا اسٹوری میں شیئر کی جانے والی تصویر میاں بیوی کے خوبصورت رشتے کی عکاسی کر رہی ہے۔

یہ تصویر شرمیلا فاروقی کی دوست کی شادی کی تقریب کے دوران لی گئی تھی جو حال ہی میں منعقد ہوئی تھی۔

اس سے قبل شرمیلا فاروقی نے انسٹاگرام پر اپنی تصویر شیئر کی تھی جس کے کیپشن میں اُنہوں نے بتایا تھا کہ ’اُنہیں سردیوں کا موسم پسند نہیں ہے اور اس موسم میں اُنہیں تیار ہوکر گھر سے باہر جانا بھی بالکل اچھا نہیں لگتا کیونکہ باہر ٹھنڈ بہت ہوتی ہے۔‘


پی پی رہنما نے کہا تھا کہ ’مگر جب آپ کے کسی قریبی دوست کی شادی ہو تو پھر آپ کو اس موسم میں بھی تیار ہوکر باہر لازمی جانا ہوتا ہے۔‘

واضح رہے کہ شرمیلا فاروقی کی شادی 2015 میں ہوئی تھی، شادی کی تقریب میں اس وقت کے وزیراعلیٰ سندھ سید قائم علی شاہ، گورنر سندھ ڈاکٹر عشرت العباد سمیت وفاقی اور صوبائی وزراء نے شرکت کی تھی۔

شرمیلا فاروقی کے ہاں سال 2018 میں بیٹے کی پیدائش ہوئی تھی جس کا نام ’حسین‘ ہے۔

خاص رپورٹ سے مزید