راجکمار راؤ کی پریانکا کے بارے میں کیا رائے ہے؟

16 جنوری ، 2021

راجکمار راؤ کی پریانکا سے متعلق کیا رائے ہے؟

بالی ووڈ میں اپنی سنجیدہ اور جان دار اداکاری سے جگہ بنانے والے راج کمار راؤ نے پریانکا چوپڑا سے متعلق اپنے لب کھول دیے۔

فلم ’دی وائٹ ٹائیگر‘ میں راج کمار کی بیوی کا کردار ادا کرنے والی پریانکا چوپڑا سے متعلق انہوں دلچسپ بات کی۔

انہوں نے پریانکا چوپڑا کو غیر معمولی قرار دیتے ہوئے کہا کہ میں ہمیشہ سے ہی اُن کے کام کا مداح رہا ہوں، مجھے ایسے لوگوں کے ساتھ کام کرکے مزہ آتا ہے اور بہت کچھ سیکھنے کو ملتا ہے۔

راج کمار راؤ نے یہ بھی کہا کہ فلم کی شوٹنگ کے دوران پریانکا چوپڑا نے ایک بار بھی کسی کو محسوس نہیں کروایا کہ وہ بہت بڑی اسٹار ہیں۔

یہ بھی پڑھیے

اُن کا کہنا تھاکہ فلم کی عکس بندی کے دوران انہوں نے بعض مناظر میں میری مدد بھی کی، میں مستقبل میں بھی ان کے ساتھ کرنا چاہوں گا۔

فلم دی وائٹ ٹائیگر (ٹی ڈبلیو ٹی) سے متعلق راج کمار راؤ نے مزید کہا کہ فلم کی ہدایت کاری رامین بہارانی نے دی ہے جبکہ فلم اروند ایڈیگا کے انعام یافتہ ناول پر مبنی ہے۔

بھارتی اداکارہ نے فلم کی کہانی سے متعلق اظہار خیال کرتے ہوئے کہاکہ ٹی ڈبلیو ٹی ایک آفاتی کہانی ہے، میں نے فلم میں کام کی حامی ہی اسکرپٹ پڑھنے کے بعد بھری تھی۔

انہوں نے کہا کہ فلم میں اپنی پرفارمنس اور اُس میں بہتر نتائج دینے کی میری اپنی ایک ترتیب ہے، جسے میں اپنی اکثر فلموں میں ڈالتا ہوں، اتنا بتادیتا ہوں کہ فلم کی کہانی بڑی مفصل ہے، جس میں تمام ہی فنکاروں کو بہت اچھے کردار دیے گئے ہیں۔

راج کمار راؤ اور پریانکا چوپڑا کی فلم 22 جنوری کو ریلیز ہو رہی ہے۔

تازہ ترین