فرمان الہی
نماز کے اوقات
کوئٹہ( نمائندہ جنگ) کوئٹہ کے علاقے سریاب مل کے قریب سڑک کنارے کچرے کے ڈھیر میں بم دھماکے سے لوکل بس کا کلینر اور ایک مسافر زخمی ہو گیا دیگر مسافر معجزانہ طور پر محفوظ رہے بس کے شیشے ٹوٹ گئےصوبائی وزیر داخلہ نے دھماکے کی مذمت کرتے ہوئے ملزمان کی فوری گرفتاری کی ہدایت کی ہے، پولیس کے مطابق نامعلوم افراد نے سریاب روڈ پر بگٹی اسکول کے سامنے کچرے کے ڈھیر میں بم نصب کر رکھا تھا گزشتہ روز جناح روڈ سے ہزار گنجی جانے والی لوکل بس جیسے ہی اسکول کے سامنے پہنچی تو بم زور دار دھماکے سے پھٹ گیا جس کے نتیجے میں بس کے دروازے پر کھڑا کلینر محمد سلیم اور ایک مسافر محمد اکبر چھرے اور بال بیرنگ لگنے سے زخمی ہو گئے،دھماکے سے بس کے شیشے ٹوٹ گئے تاہم دیگر مسافر معجزانہ طور پر محفوظ رہے اطلاع ملنےپر پولیس ٗ بم ڈسپوزل اسکواڈ اور سی ٹی ڈی کی ٹیموں نے موقع پر پہنچ کرعلاقے کو گھیرے میں لے لیا اور زخمیوں کو ہسپتال پہنچایا جہاں مسافر محمد اکبر کی حالت تشویشناک بتائی جاتی ہے بم ڈسپوزل اسکواڈ کے مطابق دہشت گردوں نے پانچ کلو وزنی دھماکہ خیز موادمیں چھرے اور بال بیرنگ ٹائم ڈیوائس کے ذریعے نصب کئے تھے ۔
