دو لڑکیوں سمیت تین افراداغواء

راولپنڈی، اسلام آباد (سٹاف رپورٹر، خصوصی نامہ نگار) مختلف علاقوں سے دو لڑکیوں سمیت تین افرادکواغواءکرلیاگیا۔تھانہ نیوٹاؤن کو ندیم شاہ نے بتایا کہ مجھے یقین ہے کہ میرے بھائی کو وحید شاہ اور ریاض شاہ نے اغواء کیا ۔ تھانہ صادق آبادکو محمد گلزار نے بتایا کہ میں نے اپنی بڑی بیٹی (ش)بی بی کی منگنی سراج سے کر رکھی تھی ، شادی 2 ماہ بعد کرنی تھی جس نے میری چھوٹی بیٹی (ن) بی بی کو اپنے والد محمد تاج کے ساتھ مل کر اغواء کر لیا ۔محمد منیر نے شالیمار پولیس کو بتایا کہ شاہزیب نے میری 16سالہ بیٹی( م ش) کو اغوا کر لیا۔ ثانیہ بشیر نے رمنا پولیس کو بتایا کہ عمر کیانی نے میرے ساتھ غیر اخلاقی حرکات کی کوشش کی۔