فلک شبیرکو کس کی ’لَو اسٹوری‘ پسند ہے؟

پاکستان کے معروف گلوکار فلک شبیر نے ایک انسٹا گرام پوسٹ کے ذریعے بتایا ہے کہ اُن کی پسندیدہ لَو اسٹوری کونسی ہے۔

عالمی وبا کورونا وائرس لاک ڈاؤن کے دوران معروف اداکارہ سارہ خان کے ساتھ شادی کرنے والے گلوکار فلک شبیر نے اپنے انسٹا گرام اکاؤنٹ پر اہلیہ سارہ خان کے ہمراہ ایک خوبصورت تصویر شیئر کی ہے جس میں وہ دونوں ایک دوسرے کے ساتھ خوب جچ رہے ہیں اور خوشگوار موڈ میں نظر آ رہے ہیں۔

فلک شبیر نے اپنی پوسٹ میں سارہ خان کو مخاطب کرتے ہوئے کیپشن میں لکھا ہے کہ ’ہر محبت کی کہانی خوبصورت ہے لیکن اُن کی اور سارہ خان کی لَو اسٹوری اُن کی پسندیدہ ہے۔‘

فلک شبیر  کی جانب سے شیئر کی گئی تصویر پر سارہ خان کو ٹیگ بھی کیا گیا ہے۔

فلک شبیر کی ان خوبصورت تصویروں پر اُن کے اور سارہ خان کے مداحوں کی جانب سے خوب لائیکس اور کمنٹس آ رہے ہیں۔

سارہ اور فلک کی نئی تصاویر وائرل

گزشتہ دنوں رشتۂ ازدواج میں منسلک ہونے والی شوبز انڈسڑی کی مقبول ترین جوڑی سارہ خان اور فلک شبیر کی نئی تصاویر سوشل میڈیا پر وائرل ہوگئی ہیں۔

فلک شبیر اہلیہ سارہ سے اداکاری سیکھنے لگے

سارہ خان سے رشتہ ازدواج میں منسلک ہونے والے فلک شبیر بھی اداکاری کی دنیا میں قدم رکھنے کا ارادہ رکھتے ہیں

مداحوں کا سارہ خان اور فلک شبیر کے لیے پیار کا اظہار کرتے ہوئے کہنا ہے کہ اُن پسندیدہ لَو اسٹوری بھی سارہ خان اور فلک شبیر کی ہی ہے۔

واضح رہے کہ اس سے قبل فلک شبیر کی جانب سے اپنے انسٹا گرام پر ایک ویڈیو شیئر کی گئی تھی جس میں وہ ہاتھوں میں پھولوں کا گلدستہ تھامے سارہ خان کو گھر میں ڈھونڈھ رہے تھے جبکہ سارہ خان کچن میں کچھ پکانے میں مصروف تھیں۔

فلک شبیر اور سارہ خان کی محبت نے مداح کو رونے پر مجبور کر دیا

پاکستان کے معروف گلوکار فلک شبیر نے اپنی اہلیہ اداکارہ سارہ خان کے ہمراہ ایک ویڈیو سوشل میڈیا پر شیئر کی ہے جسے مداحوں کی جانب سے خوب پسند کیا جا رہا ہے۔

ویڈیو میں دیکھا جا سکتا ہے کہ فلک شبیر نے سارہ خان کو پھولوں کا گلدستہ دیا اور ساتھ میں اُن کی فلٹر کے ساتھ ویڈیو بھی بنا رہے ہیں۔

مداحوں کی جانب سے فلک شبیر کی اس ویڈیو پر خوب دعائیں دی گئیں جبکہ ایک انسٹا صارف کا ویڈیو پر کمنٹ کرتے ہوئے کہنا تھا کہ ’بس کرو یار، اتنی محبت، رلاؤگے کیا ۔‘