آپ آف لائن ہیں
بدھ18؍ رجب المرجب 1442ھ3؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آئی جی اسلام آباد اورڈی آئی جی آپریشنز نے اکتوبرسےدسمبر کاون فائیو کالز ریکارڈ منگوا لیا، رپورٹڈ کرائم پر اندراج مقدمات کا حکم

راولپنڈی،اسلام آباد (سٹاف رپورٹر،خصوصی نامہ نگار) راولپنڈی کے مختلف علاقوں میں شہری ایک گاڑی ، چارموٹرسائیکلوں ،طلائی زیورات ،موبائل فونز اورنقدی سے محروم ہوگئے ۔ اسلام آباد کے شہریوں کو بھی 5 گاڑیوں اور 4 موٹر سائیکلوں سے محروم کردیاگیا۔ تھانہ وارث خان نے ڈھوک کھبہ میں دکان سے اسلحہ کی نوک پر 51 ٹچ موبائل اورایک لاکھ روپےچھیننے، تھانہ ائرپورٹ نے 72ہزار روپے اور موبائل چھیننے، تھانہ صدربیرونی نے فیملی کو گن پوائنٹ پر یرغمال بنا کر باتھ روم میں بند کرکے 4لاکھ روپے لوٹنے، تھانہ سٹی نےموبائل چور ی، تھانہ پیرودھائی نےموبائل چوری، تھانہ پیرودھائی نے موبائل چھیننے، ،تھانہ وارث خان نےموبائل چوری ، دوسری واردات میں جیب سے موبائل اور5ہزار روپے نکالنے، تھانہ بنی نے 76ہزارروپے اور طلائی زیور کل 31 گرام چوری، تھانہ نصیرآباد نے گھر کے تالے توڑ کر 10لاکھ روپے ،چھ تولے طلائی زیورات اور الیکٹرک سامان مالیتی 4لاکھ روپے چوری ،دوسری واردات میں موبائل چھیننے، تھانہ سول لائن نےموبائل اور2ہزارروپے چوری، تھانہ ائرپورٹ نے گیس سلنڈر چوری، تھانہ ائرپورٹ نےپرس چھیننے جس میں سات ہزار 500روپے ،موبائل اور دیگر رسیدیں تھیں۔تھانہ ائرپورٹ نے گاڑی میں بیٹھے خواتین و افراد کی طرف سے غیر ملکی زبان و کرنسی کا جھانسہ دیکر 5

ہزار روپے کے نوٹوں والی کاپی چھیننے، دوسری واردات میں خاتون سے موبائل چھیننے، پکڑ نے کی کوشش میں خاتون کے گھسٹ کر گرنے، تیسری واردات میں موبائل چوری، تھانہ جاتلی نے لیپ ٹاپ، سی پی یو، اسٹامپ پیپرز، رجسٹر اسٹام، کیمرہ ،پندرہ ہزار روپے اور دیگر کاغذات چوری ، دوسری واردات میں بکری چوری، تھانہ چونترہ نے 2 گائیں چوری ، تھانہ مری نے دوموبائل چھیننے، دوسری واردات میں گاڑی سے شناختی کارڈز،ڈرائیونگ لائسنس ،اے ٹی ایم کارڈ،پی ایم ڈی سی کارڈز،پانچ ہزارروپے اور سونے کی چین کے حامل میاں بیوی کے پرس شیشہ توڑ کر چرانے، دریں اثناء وفاقی پولیس نے گزشتہ سال میں ہونیو الے واقعات کے بھی مقدمات درج کرکے شہریوں کو مقدمات کے اندارج کے حوالے ریلیف دے دیا ۔گزشتہ روز کل 97مقدمات درج ہوئے جس میں گزشتہ سال کے بھی واقعات بھی شامل ہیں ۔تھانہ بھارہ کہو نے موبائل چھیننے،دوسرے واقعہ میں دکان میں داخل ہونے والے ملزمان سے 55 ہزار روپے چھیننے ، تیسرے واقعہ میں ڈاکوؤں نے 12 لاکھ روپے مالیت کے طلائی زیورات ونقدی چھیننے ، چوتھے واقعہ میں نقدی وطلائی زیورات چوری ،تھانہ بنی گالہ نے 15لاکھ روپے مالیت کے طلائی زیورات اور نقدی چوری، دوسرے واقعہ میں گھر سے 6لاکھ 25ہزارروپے مالیت کے طلائی زیورات اور نقدی چور ی،تھانہ ترنول نے 17لاکھ روپے مالیت کے طلائی زیورات ،ملکی وغیرملکی کرنسی چرانے، تھانہ آئی نائن نے سات لاکھ روپے مالیت کے طلائی زیورات اور کپڑے چوری ، دوسرے واقعہ میں موبائل اور نقدی چھیننے، تھانہ کوہسار نے موبائل اڑانے ،تھانہ سبزی منڈی نے نقدی وموبائل ، تھانہ کھنہ نے موبائل چھیننے ،تھانہ کوہسار ، تھانہ رمنا، تھانہ آئی نائن ، تھانہ نون ،تھانہ سہالہ نے کاریں ، تھانہ آبپارہ نے ایک ،تھانہ بہارہ کہو نے 2 ، تھانہ کورال نے ایک موٹرسائیکل چوری کے مقدمات درج کر لیے۔ ادھر آئی جی اسلام آباد قاضی جمیل الرحمان اورڈی آئی جی آپریشنز نے اکتوبر، نومبر اور دسمبر میں ون فائیو کالز کا ریکارڈ منگوا لیا۔ اس عرصہ میں رپورٹڈ کرائم پر فوری مقدمات درج کرنے کا بھی حکم دے دیاگیا،گزشتہ روز پچھلے سال کےواقعات کے 61 مقدمات درج کیے گئے۔

اسلام آباد سے مزید