فرمان الہی
نماز کے اوقات
اسلام آباد ( طارق بٹ ) جمعیت علما اسلام کے سربراہ فضل الرحمان کو تکنیکی طور پر ناک آئوٹ کر نے کی کوششیں شروع کردی گئی ہیں ۔ ان کے سیاسی قد کاٹھ کو گٹھانے کے لئے مخالفین کوشاں ہیں ۔
جے یو آئی (ف) کے چار سابق سینئر رہنما جنہیں گزشتہ دنوں پارٹی سے نکال دیا گیا وہ کوشاں ہیں کہ فضل الرحمان کو بے اثر کردیا جائے ۔
دیکھنا یہ ہو گا کہ اگر فضل الرحان کے خلاف کوششیں کامیاب ہو جا تی ہیں تو آیا اپوزیشن اتحاد پی ڈی ایم پر بھی اس کے اثرات مرتب ہوں جس کے وہ سربراہ ہیں۔
اس کا بظاہر جواب نفی میں ہوگا کیونکہ جب جنرل ضای الحق کے دور میں مولانا سمیع الحق نے علیحدہ ہو کر اپنا دھڑا بنالیا تھا تو اس وقت فضل الرحمان کی حیثیت میں کوئی فرق نہیں آیا تھا ۔
جے یو آئی سے بے دخل کئے جا نے والے رہنمائوں حافظ حسین احمد ، محمد خان شیرانی ،نصیب گل اور شجاع الملک الیکشن کمشن میں پارٹی رجسٹریشن میں نام تبدیل کر نے کے لئے فضل الرحمان کو نوٹس بھیجنے پر غور کر رہے ہیں ۔
اس گروپ کا موقف ہے کہ 2013 میں ان کے ایک ساتھی ڈاکٹر عبدالعزیز نے جے یو آئی کے سربراہ کو بتایا تھا کہ جمعیت علما اسلام پاکستان کے نام سے پاکستان ہٹا کر اس کی جگہ فضل الرحمان لگا دیا گیا ہے ۔
