بینظیر اور بختاور بھٹو ’آئیکونک دلہنیں‘ قرار

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے شہید محترمہ بےنظیر بھٹو اور اُن کی بڑی صاحبزادی بختاور بھٹو کو ’آئیکونک دولہنیں‘ قرار دے دیا۔

سوشل میڈیا سائٹ ٹوئٹر پر شرمیلا فاروقی نے دو تصاویر پر مبنی ایک فوٹو کولاج شیئر کیا۔

مذکورہ فوٹو کولاج میں پہلی تصویر سابق وزیراعظم شہید محترمہ بےنظیر بھٹو کی شادی کی ہے جس میں وہ دولہن بنی ہوئی ہیں۔

فوٹو کولاج کی دوسری تصویر بختاور بھٹو زرداری کی شادی کے دن کی ہے جس میں اُنہوں نے اپنی والدہ کی طرح گولڈن رنگ کا عروسی لباس زیب تن کیا ہوا ہے۔

شرمیلا فاروقی کیجانب سے بختاور اور محمود چوہدری کی دلکش تصویر شیئر

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے سابق وزیرِاعظم شہید بے نظیر بھٹو کی بڑی صاحبزادی بختاور بھٹو اور اُن کے شوہر محمود چوہدری کی دلکش تصویر سوشل میڈیا پر شیئر کردی۔

فوٹو کولاج دیکھ کر واضح ہورہا ہے کہ بھٹو خاندان کی یہ دو خواتین اپنی زندگی کے سب سے اہم موقع پر کس قدر خوبصورت لگ رہی تھیں۔

شرمیلا فاروقی نے اس دلکش فوٹو کولاج کے کیپشن میں لکھا کہ ’آئیکونک اور خوبصورت دولہنیں۔‘

پی پی رہنما کے اس ٹوئٹ پر صارفین کی بڑی تعداد ناصرف بختاور بھٹو کی نئی زندگی کے لیے نیک خواہشات کا اظہار کر رہی ہے بلکہ شہید محترمہ بےنظیر بھٹو کو بھی یاد کیا جارہا ہے۔

بختاور نے اپنی رسمِ حنا کے پاؤچ پر بینظیر کی تصویر بنوائی تھی؟

سابق وزیراعظم شہید محترمہ بےنظیر بھٹو کی بڑی صاحبزادی بختاور بھٹو نے اپنی منگنی کی طرح اپنی رسمِ حنا کی تقریب میں بھی والدہ کو زبردست خراجِ عقیدت پیش کیا۔

واضح رہے کہ بختاور بھٹو حال ہی میں محمود چوہدری کے ساتھ رشتۂ ازدواج میں منسلک ہوئی ہیں، اُن کے نکاح کی تقریب بلاول ہاؤس کراچی میں منعقد کی گئی تھی۔