فرمان الہی
نماز کے اوقات
راولپنڈی (نمائندہ خصوصی) سابق ٹیسٹ امپائر سید شاہ جمعے کی شام کو اپنے آبائی شہر پشاور میں انتقال کر گئے۔ان کی عمر 80 سال تھی۔انہوں نے 1997 میں پاکستان اور ویسٹ انڈیز کے مابین پشاور میں کھیلے گئے ایک ٹیسٹ میچ میں امپائرنگ کے فرائض انجام دئیے تھے۔ سید شاہ نے ایک ٹیسٹ میچ کے علاوہ 5 ایک روزہ انٹرنیشنل میچوں میں بھی امپائرنگ کی ۔سید شاہ نےڈومیسٹک کرکٹ میں کُل 90فرسٹ کلاس میچوں میں بھی امپائرنگ کی۔ پاکستان کرکٹ بورڈنے سابق ٹیسٹ امپائر سید شاہ کے انتقال پر افسوس کا اظہار کیا ہے۔ سید شاہ ریٹائرمنٹ کے بعد بھی پی سی بی کے پینل فار ٹریننگ آف امپائرز اینڈ ریفریز میں شامل رہے۔ڈائریکٹر ہائی پرفارمنس ندیم خان کا کہنا ہے کہ سید شاہ کی وفات پر وہ گہرے دکھ کا اظہار کرتے ہیں۔ انہوں نے کہا کہ جب وہ کرکٹ کھیلا کرتے تھے تو سید شاہ کا شمار اس وقت کے چند نمایاں امپائرز میں ہوتا تھا۔
