بلوچستان میں کورونا کیسز کی شرح میں کمی، صرف 8 نئے مریضوں کی تشخیص

08 فروری ، 2021

بلوچستان میں کورونا وائرس کیسز کی شرح میں کمی کا سلسلہ برقرار ہے، گزشتہ 24 گھنٹوں کے دوران صوبے سے صرف 8 نئے مریض سامنے آئے جبکہ کورونا میں مبتلا 12 مریض صحت یاب ہوگئے، صوبے میں کورونا وائرس میں مبتلا مریضوں کی تعداد 88 رہ گئی۔

محکمہ صحت بلوچستان کے جاری کردہ رپورٹ کے مطابق پیر کو صوبے میں کیے گئے کورونا ٹیسٹ کے نتیجے میں 8 نئے کیسز سامنے آئے، ان میں پانچ کیسز کوئٹہ، دو کیچ اور ایک کیس لس بیلہ سے رپورٹ ہوا۔

صوبے میں کوورنا کے پھیلاؤ کی شرح 1.5 فیصد رہی اور اب تک کورونا وائرس سے متاثر ہونے والوں کی مجموعی تعداد 18 ہزار877 ہوگئی۔

رپورٹ کے مطابق چوبیس گھنٹوں کے دوران کورونا میں مبتلا 12 مریضوں کے صحت یاب ہونے کے بعد صوبے میں صحت یاب ہونے والوں کی تعداد 18ہزار 593 ہوگئی۔

یہ بھی پڑھیے

جبکہ صوبے میں فعال کورونا کیسز کی تعداد 88رہ گئی ہے، بلوچستان میں کورونا سے انتقال کرجانے والوں کی تعداد196 ہے۔

محکمہ صحت کے مطابق کوئٹہ میں 24 گھنٹوں کے دوران کورونا کی تشخص کیلئے77 ٹیسٹ کئے گئے۔ اس دوران کورونا کے 5 مریض سامنے آئے۔ کوئٹہ میں آج کورونا کی شرح 6.5 فیصد رہی۔

تازہ ترین