پی ڈی ایم جلد گمنامی کی تاریکیوں میں کھو جائے گی: عثمان بزدار

پنجاب کے وزیرِ اعلیٰ سردار عثمان بزدار اپوزیشن اتحاد پاکستان ڈیموکریٹک موومنٹ پر تنقید کرتے ہوئے کہتے ہیں کہ پی ڈی ایم جلد گمنامی کی تاریکیوں میں کھو جائے گی۔

لاہور میں وزیرِ اعلیٰ پنجاب سردار عثمان بزدار سے اراکینِ قومی و صوبائی اسمبلی نے ملاقاتیں کیں، جن کے دوران حلقوں کے مسائل کے حل اور سینیٹ الیکشن پر مشاورت کی گئی۔

زراعت کی ترقی کیلئے بزدار حکومت نے انقلابی اقدامات کیے، فردوس عاشق اعوان

وزیراعلیٰ پنجاب عثمان بزدار کی معاون خصوصی ڈاکٹر فردوس عاشق اعوان کا کہنا ہے کہ زراعت کے شعبے میں ترقی کیلئے بزدار حکومت نے انقلابی اقدامات کیے ہیں۔

اس موقع پر وزیرِ اعلیٰ عثمان بزدار نے منتخب نمائندوں کو عوامی مسائل حل کرنے کی یقین دہانی بھی کرائی۔

انہوں نے گفتگو کرتے ہوئے کہا کہ پاکستان ڈیموکریٹک موومنٹ بدگمانیوں پر قائم ہے جس کی کامیابی کا کوئی امکان نہیں۔

وزیرِ اعلیٰ پنجاب کا مزید کہنا ہے کہ اپوزیشن اتحاد پی ڈی ایم میں اعتماد کا فقدان ہے۔

سردار عثمان بزدار کا یہ بھی کہنا ہے کہ  یہ استعفوں کی طرح لانگ مارچ سے بھی راہِ فرار اختیار کر رہی ہے۔