• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صارفین سے بجلی کی آدھی قیمت لے رہے ہیں، فواد چوہدری کا انکشاف

تازہ ترین
قومی خبریں
13 فروری ، 2021


وفاقی وزیر سائنس اینڈ ٹیکنالوجی فواد چوہدری نے دعویٰ کیا ہے کہ خفیہ رائے شماری سے حکومت کے نہیں صرف اپوزیشن کے پرندے اڑیں گے۔

لاہور میں تقریب سے خطاب میں فواد چوہدری نے مہنگائی اور اپوزیشن اتحاد (پی ڈی ایم) کو ایک ہی چیز قرار دیا۔

انہوں نے کہا کہ ابھی آدمی قیمت حکومت دے رہی ہے اور آدھی صارفین دے رہے ہیں، بجلی و گیس کی قیمتوں کے بڑھنے کی وجہ سابقہ حکومتوں کے معاہدے ہیں۔

وفاقی وزیر نے مزید کہا کہ سابق ادوار میں بجلی کے بلاضرورت آئی پی پیز منصوبے لگائے گئے، ان منصوبوں کا انحصار مہنگے فرنس آئل پر تھا جس کی درآمد پر ڈالر خرچ ہوتے ہیں۔

یہ بھی پڑھیے


ان کا کہنا تھا کہ فرنس آئل مہنگا ہوتا ہے تو بجلی کی قیمت بڑھ جاتی ہے، ابھی بھی ہم بجلی صارفین سے آدھی قیمت لے رہے ہیں۔

فواد چوہدری نے واضح طور پر کہا کہ ابھی بجلی کی مد میں عوام کو ریلیف دینے کا کوئی امکان نہیں ہے۔

اپوزیشن اتحاد کے سربراہ سے متعلق وفاقی وزیر نے کہا کہ مولانا فضل الرحمٰن دھرنے کے بجائے قومی احتساب بیورو (نیب) کو جواب دیں گے۔

تازہ ترین