فرمان الہی
نماز کے اوقات
سابق وزیر داخلہ احسن اقبال نے کہا ہے کہ غالب امکان ہے کہ پاکستان پیپلز پارٹی (پی پی پی) کے رہنما اور سابق وزیراعظم یوسف رضا گیلانی سینیٹ نشست پر کامیاب ہوسکتے ہیں۔
جیو نیوز کے پروگرام ’نیا پاکستان‘ میں گفتگو کے دوران احسن اقبال نے کہا کہ پی دی ایم ایک تحریک کا اتحاد ہے، جس میں سب کو ساتھ لے کر چل رہے ہیں۔
انہوں نے کہا کہ پی ڈی ایم انتخابی اتحاد نہیں ہے، ہماری جماعت کا موقف واضح ہے کہ پاکستان کے مسائل کا حل شفاف انتخابات میں ہے۔
ن لیگی رہنما نے مزید کہا کہ پی ڈی ایم کی قیادت اتفاق رائے سے استعفے کا فیصلہ کرے گی تو پیپلز پارٹی بھی ساتھ دے گی۔
احسن اقبال نے یہ بھی کہا کہ پی ڈی ایم پہلے ہی فیصلہ کرچکی ہے کہ ایک دوسرے کے خلاف امیدوار نہیں لائیں گے۔
