آپ آف لائن ہیں
منگل17؍رجب المرجب 1442ھ 2؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دبئی: پے درپے ٹریفک حادثات، پولیس حکام کی ڈرائیورز کو ہدایت

متحدہ عرب امارات (یو اے ای) کے شہر دبئی میں گزشتہ 48 گھنٹوں کے دوران 5 مختلف ٹریکف حادثات رونما ہوئے ہیں جن میں 6 افراد زخمی  ہوئے، زخمیوں میں ایک کی حالت نازک بتائی گئی ہے، پولیس ڈائریکٹر نے ڈرائیورز کو آنکھیں روڈ پر رکھنے پر زور دیا۔

ڈائریکٹر دبئی ٹریفک پولیس سیف مہائر المزروئی کا کہنا ہے کہ یہ حادثات تیز رفتاری اور ڈرفٹنگ جیسے اسٹنٹ کرنے کی وجہ سے رونما ہوئے۔

انھوں نے بتایا کہ یہ حادثات القذ انڈسٹریل ایریا، ام رامول، الاتحاد روڈ اور شیخ زید روڈ پر ہوئے۔


انھوں نے یہ بھی بتایا کہ ان حادثات میں 6 افراد زخمی ہوئے جن میں سے ایک کی حالت نازک ہے۔

ڈائریکٹر دبئی ٹریفک پولیس سیف مہائر المزروئی نے زور دیا کہ ڈرائیور آنھیں سڑک پر رکھیں اور سختی کے ساتھ ضابطے کی پابندی کریں۔

انھوں نے ڈرائیورز کو تیزرفتاری، غیر ضروری اوورٹیکنگ اور ڈرفٹنگ کرنے سے بھی خبردار کیا۔

بین الاقوامی خبریں سے مزید