فرمان الہی
نماز کے اوقات
کراچی(اسٹاف رپورٹر)پاکستان سپر لیگ کی ٹیم پشاور زلمی کے کپتان وہاب ریاض اور ہیڈکوچ ڈیرن سیمی نےضابطہ اخلاق کی خلاف ورزی کرتے ہوئے ببل توڑا اور فرنچائز مالک سے ملاقات کرلی۔ جس کے بعد انہیں تین دن کے لئے آئسولیٹ کردیا گیا ہے۔جبکہ ایک اورکھلاڑی محمد فیضان کا کورونا ٹیسٹ مثبت آگیا ہے۔امکان ہے کہ پی ایس ایل میں زلمی اپنے ریگولر کپتان وہاب ریاض کی جگہ قیادت کی ذمے داری شعیب ملک کو دی جائےگی۔ایک فرنچائز کے کھلاڑی اور آفیشل نے بائیو سیکیورببل کی خلاف ورزی کی، بعد ازاں ایک کھلاڑی کا کوروناٹیسٹ کیا گیا، جس کی رپورٹ مثبت آگئی ہے۔پی سی بی کی جانب سے کھلاڑی میں کورونا علامات کی تصدیق کرتے ہوئے بتایا گیا ہے کہ کورونا ٹیسٹ مثبت آنے پر کھلاڑی کو دس روز اور خلاف ورزی کرنے والے آفیشل کو تین روز کے لئے قرنطینہ کردیا ہے، اب کھلاڑی کو دوبارہ ٹیم میں شامل ہونے کے لئے دو منفی ٹیسٹ کی ضرورت ہوگی۔
