آپ آف لائن ہیں
بدھ یکم رمضان المبارک 1442ھ14؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دنیا کے سب سے بڑے اسٹیڈیم کا نام مودی سے منسوب کرنے پر راہول گاندھی کا طنز

دنیا کے سب سے بڑے کرکٹ اسٹیڈیم کا پہلے انٹرنیشنل میچ سے قبل نام تبدیل کر کے بھارتی وزیر اعظم نریندر مودی سے منسوب کرنے پر  حزب اختلاف کی سب سے بڑی جماعت کانگریس نے مودی حکومت پر طنز کے نشتر چلا دیے۔

حزب اختلاف کے رہنما راہول گاندھی نے سوشل میڈیا سائٹ ٹوئٹر پر جاری اپنے پیغام میں مودی کا نام لیے بغیر کہا کہ ’سچ کتنی خوبصورتی سے خود کا اظہار کرتا ہے۔‘


انہوں نے اپنے پیغام میں لکھا ہے کہ نریندر مودی اسٹیڈیم، اڈانی اینڈ۔ ریلائنس اینڈ، جے شاہ کی صدارت میں!

ساتھ ہی راہول گاندھی نے اپنے ٹوئٹ میں ’ہم دو ہمارے دو‘ کا ہیش ٹیگ بھی استعمال کیا۔

یہاں قابلِ ذکر بات یہ ہے کہ راہول گاندھی نے اس سے قبل مودی حکومت پر تنقید کرتے ہوئے کہا تھا کہ مودی حکومت کچھ قریبی صنعت کاروں کیلئے کام کررہی ہے۔

انہوں نے یہ بھی کہا تھا کہ ’ہم دو ہمارے دو‘ آبادی کنٹرول کرنے کا نعرہ تھا لیکن یہ نعرہ اب آبادی کنٹرول کی جگہ حکومت کنٹرول کیلئے بن گیا ہے۔

خیال رہے کہ مودی کی آبائی ریاست گجرات کے شہر احمد آباد میں سردار پٹیل کرکٹ اسٹیڈیم کا افتتاح گزشتہ برس ٹرمپ کے دورے کے دوران کیا گیا تھا۔

بین الاقوامی خبریں سے مزید