مریم اورنگزیب کا عمران خان اور عثمان بزدار کےخلاف کارروائی کا مطالبہ

مسلم لیگ نون کی ترجمان مریم اورنگزیب نے وزیراعظم عمران خان اور وزیراعلیٰ پنجاب عثمان بزدار کے خلاف کارروائی کا مطالبہ کردیا۔

مریم اورنگزیب نے اپنے بیان میں کہا کہ ووٹ اور الیکشن کمیشن کے عملے کی چوری کے اصل ذمہ دار عمران صاحب ہیں۔

اُنہوں نے کہا کہ ووٹ چوری کے اصل سرغنہ کے خلاف کارروائی تک احتساب نامکمل رہے گا، تمام حقائق اور شواہد بتارہے ہیں ووٹ کی امانت میں خیانت عمران صاحب نے کی۔

ڈسکہ دھاندلی کیس میں الیکشن کمیشن کا ڈپٹی کمشنر ڈسکہ اور ڈی پی او کو معطل کرنے کا فیصلہ

فیصلہ یہ بھی کیا گیا ہے کہ کمشنر ڈسکہ اور ریجنل پولیس آفیسر ڈسکہ کو عہدوں سے ہٹایا جائے گا۔ کمشنر اور آر پی او کے خلاف کارروائی کے احکامات جاری کردیئے گئے۔

ترجمان مسلم لیگ نون نے کہا کہ اصل مجرموں کےخلاف کارروائی تک انصاف کے تقاضے پورے نہیں ہوں گے۔

مریم اورنگزیب نے یہ بھی کہا کہ 2018 کی ووٹ چوری کی پیداوار2021 میں واردات دوہراتے پکڑے گئے۔

اُن کا کہنا تھا کہ وزیراعظم عمران خان اور عثمان بزدار کے خلاف کارروائی کے بغیر الیکشن کمیشن کا فیصلہ نامکمل ہے۔

ڈسکہ کا ضمنی انتخاب کالعدم

الیکشن کمیشن آف پاکستان نے قومی اسمبلی کے حلقے این اے 75 ڈسکہ کے ضمنی انتخاب کو کالعدم قرار دے دیا ہے۔

مریم اورنگزیب نے مزید کہا کہ چارحلقوں کا شور مچانے والا، ایک حلقہ کھلنے پر اپیل سپریم کورٹ لے جارہا ہے۔