آپ آف لائن ہیں
جمعرات2؍ رمضان المبارک 1442ھ15؍اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اندرونِ ملک PIA کے کرایوں میں مزید کمی

موسمِ بہار کی آمد کے ساتھ ہی قومی ایئر لائن پی آئی اے نے اندرونِ ملک کے لیے خصوصی کرائے متعارف کروائے ہیں۔

پی آئی اے کی جانب سے کراچی تا اسلام آباد اور کراچی تا لاہور کرایوں پر خصوصی رعایت کا اعلان کیا گیا ہے۔

اب 20 کلو سامان لے جانے کی رعایت کے ساتھ یک طرفہ کرایہ 7 ہزار 5 سو روپے ہو گا جبکہ 40 کلو سامان کے ساتھ یک طرفہ رعایتی کرایہ 8 ہزار 5 سو روپے ہو گا۔

قومی ایئر لائن کی جانب سے اندرونِ ملک نئے کرایوں کا اطلاق فوری طور پر نافذ العمل ہوگا۔


پی آئی اے کے ترجمان کا اس حوالے سے کہنا ہے کہ موسمِ بہار میں لوگ سفر کرنا اور سیاحت کرنا پسند کرتے ہیں۔

قومی ایئر لائن کے ترجمان کا یہ بھی کہنا ہے کہ اندرونِ ملک سیاحت اور جشنِ بہار کیلئے پی آئی اے نے یہ خصوصی کرائے متعارف کروائے ہیں۔

قومی خبریں سے مزید