فرمان الہی
نماز کے اوقات
کراچی(عبدالماجد بھٹی،اسٹاف رپورٹر) پاکستان سپر لیگ سکس میں ہفتے کو پشاور زلمی اور کراچی کنگز نے معرکے جیت لئے، کراچی کنگز نے بابراعظم کے 90 رنز کی ناقابل شکست اننگز کی بدولت ملتان سلطانز کو 7 وکٹوں سے ہرادیا۔دفاعی چیمپین نے تیسرے میچ میں دوسری کامیابی حاصل کی ۔مسلسل نویں میچ میں ہدف کا تعاقب کرنے والی فاتح رہی۔بابراعظم نے 60 گیندوں پر 13 چوکوں اور 1 چھکے کی بدولت 90 رنز بنائے۔جبکہ دوسرے میچ میں پشاور زلمی نے اسلام آباد یونائیڈ کو آوٹ کلاس کرتے ہوئے میچ چھ وکٹ سے جیت لیا اس فتح کے ساتھ زلمی کی ٹیم چار میں سے تیسری کامیابی حاصل کرکے پوائنٹس ٹیبل پر سرفہرست آگئی۔لگاتار دسویں میچ میں پہلے بیٹنگ کرنے والی ٹیم کو شکست کا سامنا کرنا پڑامیچ کا فیصلہ 17گیندیں پہلے ہوگیاشعیب ملک 30گیندوں پر29رنز بناکر ناٹ آوٹ رہے۔اسلام آباد کو تیسرے میچ میں پہلی شکست کا سامنا کرنا پڑا۔
