پاکستان میں کورونا وائرس سے مزید 36 اموات

پاکستان میں کورونا وائرس کی دوسری لہر جاری ہے، کورونا مریضوں کی تعداد کے حوالے سے مرتب کی گئی فہرست میں پاکستان 30 ویں نمبر پر ہے۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 1 ہزار 392 کیسز سامنے آئے ہیں، مزید 36 افراد اس موذی وباء کے سامنے زندگی کی بازی ہار گئے، جبکہ اس بیماری سے 1ہزار 94 مریض شفایاب ہو گئے۔

ملک بھر میں کورونا وائرس سے انتقال کرنے والوں کی مجموعی تعداد 12 ہزار 896 ہو گئی ہے، جبکہ کُل مریضوں کی تعداد 5 لاکھ 81 ہزار 365 ہو چکی ہے۔

یکم مارچ سے 100 فیصد بچوں کو اسکول نہیں بلائیں گے: سعید غنی

سندھ کے وزیرِ تعلیم سعید غنی کا کہنا ہے کہ کورونا وائرس کے خاتمے تک ہم سو فیصد بچوں کو اسکول بُلانے کی اجازت نہیں دیں گے۔

24 گھنٹوں میں کورونا وائرس کے مزید 38 ہزار 338 ٹیسٹ کیئے گئے، جبکہ اب تک کُل 89 لاکھ 90 ہزار 176 کورونا ٹیسٹ کیئے جا چکے ہیں۔

ملک بھر میں اسپتالوں، قرنطینہ سینٹرز اور گھروں میں کورونا وائرس کے کُل 22 ہزار 98 مریض زیرِ علاج ہیں، جن میں سے 1 ہزار 568 مریضوں کی حالت تشویش ناک ہے، جبکہ 5 لاکھ 46 ہزار 371 مریض اب تک اس بیماری سے شفایاب ہو چکے ہیں۔

سندھ میں کورونا وائرس کے مریضوں کی تعداد دوسرے صوبوں سے زیادہ 2 لاکھ 58 ہزار 266 ہو چکی ہے۔

ضلع میرپور میں ایک ہفتے کے لیے لاک ڈاؤن نافذ

ضلع میرپور میں تمام تعلیمی ادارے اور پبلک ٹرانسپورٹ بھی بند رہے گی۔

پنجاب میں کورونا وائرس کے اب تک 1 لاکھ 72 ہزار 54 مریض سامنے آئے ہیں۔

خیبر پختون خوا میں کورونا وائرس کے مریضوں کی تعداد 72 ہزار 424 ہو چکی ہے۔

وفاقی دارالحکومت اسلام آباد میں 44 ہزار 378 کورونا وائرس سے متاثرہ مریض اب تک سامنے آئے ہیں۔

کورونا وائرس کے بلوچستان میں 19 ہزار 49 مریض اب تک رپورٹ ہوئے ہیں ۔

آزاد جموں و کشمیر میں کورونا وائرس کے اب تک 10 ہزار 243 مریض رپورٹ ہوئے ہیں۔

گِلگت بلتستان میں 4 ہزار 956 کورونا وائرس کے مریض سامنے آئے ہیں ۔

ملک بھر میں 24 گھنٹوں کے دوران کورونا وائرس کے کیسز مثبت آنے کی شرح 3.6 فیصد رہی۔