سرجری سے متعلق بلاگ میں امیتابھ بچن نے مداحوں سے معافی مانگ لی

بھارت کے لیجنڈری اداکار امیتابھ بچن نے اپنے ایک بلاگ میں مداحوں سے معافی مانگ لی۔

امیتابھ بچن نے کچھ روز قبل اپنے ایک بلاگ میں اپنی طبی حالت سے متعلق ایک اہم انکشاف کیا جس کے بعد ان کے مداح کشمکش میں مبتلا ہوگئے تھے۔

امیتابھ بچن نے اپنی آفشیل بلاگ سائٹ پر ایک پریشان کُن بلاگ شیئر کیا تھا جس میں اُنہوں نے یہ دو الفاظ ’طبی حالت اور سرجری‘ لکھے تھے۔

امیتابھ بچن نے والدہ کیساتھ یادگار تصویر کیوں شیئر کی؟

بھارتی فلم انڈسٹری کے لیجنڈری اداکار امیتابھ بچن نے سوشل میڈیا پر والدہ کے ہمراہ اپنے بچپن کی یادگار تصویر شیئر کردی۔

تاہم اب امیتابھ نے دوبارہ اس بلاگ کا استعمال کرتے ہوئے اپنے مداحوں سے انھیں پریشانی میں مبتلا کرنے پر معافی مانگی۔

اپنے بلاگ میں امیتابھ نے اپنے مداحوں کو یقین دلایا کہ ان کی طبیعت بالکل ٹھیک ہے، ان کی آنکھ کی سرجری ہوئی ہے۔

بالی ووڈ کے شہنشاہ نے طبی حالت سے متعلق بلاگ کے بعد مداحوں کی جانب سے نیک تمناؤں کے اظہار کے بعد ان کا شکریہ بھی ادا کیا۔

امیتابھ بچن اور کترینہ کی یادگار تصویر مقبول

بھارتی فلم انڈسٹری کے بِگ بی امیتابھ بچن اور بالی وڈ اسٹار کترینہ کیف کی ماضی کی یادگار تصویر کے سوشل میڈیا پر چرچے شروع ہوگئے ہیں۔

ساتھ میں انھوں نے یہ بھی لکھا کہ ان کی بینائی اور سرجری کے بعد صحتیابی تھوڑی سست روی کا شکار ہے، لہٰذا لکھائی میں کوئی غلطی ہوجائے تو انھیں معاف کیا جائے۔

ویسٹ انڈین کرکٹر سر گیری سوبرز کے ایک واقعے  کا حوالہ دیتے ہوئے امیتابھ بچن نے لکھا کہ انھیں ایک نہیں تین الفاظ دکھائی دے رہے تھے۔

امیتابھ بچن نے بتایا کہ ابھی ان کی ایک آنکھ کی سرجری ہوئی ہے تاہم دوسری آنکھ کی سرجری ہونا باقی ہے۔