فرمان الہی
نماز کے اوقات
الیکشن کمیشن آف پاکستان نے سابق وزیراعظم یوسف رضا گیلانی کے بیٹے علی حیدر گیلانی کی ویڈیو پر نوٹس لے لیا۔
ترجمان الیکشن کمیشن کے مطابق سینیٹ الیکشن سے متعلق علی حیدر گیلانی کی ویڈیو کا نوٹس لے لیا ہے۔
انہوں نے کہا کہ ویڈیو کا جائزہ لے رہے ہیں، اس حوالے سے میرٹ پر تحقیقات ہوں گی۔
اس سے قبل علی حیدر گیلانی کی ویڈیو سامنے آئی تھی جس میں وہ مبینہ طور پر حکومت رکن اسمبلی کو ووٹ ضائع کرنے کا طریقہ سمجھا رہے تھے۔
علی حیدر گیلانی نے میڈیا سے گفتگو میں ویڈیو کی تصدیق کی اور کہا کہ ہم نے ہر رکن قومی اسمبلی سے ووٹ مانگا ہے جو ہمارا حق ہے۔
دوسری طرف شہباز گل نے علی حیدر گیلانی کی ویڈیو کو ارکان اسمبلی سے ووٹ خریدنے کی کوشش قرار دیا اور کہا کہ اس کے بعد یوسف رضا گیلانی کے الیکشن لڑنے کا اخلاقی جواز ختم ہوگیا ہے۔
