آپ آف لائن ہیں
جمعرات9؍ رمضان المبارک 1442ھ22؍اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

یوسف گیلانی کی کامیابی عمران خان کیخلاف تحریک عدم اطمینان ہے، شرجیل میمن

پاکستان پیپلز پارٹی (پی پی پی) کے رہنما شرجیل میمن نے کہا ہے کہ اسلام آباد کی جنرل نشست پر اپوزیشن کے امیدوار یوسف رضا گیلانی کی کامیابی وزیراعظم عمران خان کے خلاف تحریک عدم اطمینان ہے۔

کراچی میں میڈیا سے گفتگو کرتے ہوئے شرجیل انعام میمن نے کہا کہ سندھ میں سرپرائز کا کہا تھا، آج ہم نے سرپرائز دیا۔

ان کا کہنا تھا کہ تحریک انصاف کا راستہ بند ہونا شروع ہوگیا ہے، سینیٹ الیکشن نے ثابت کیا یہ نااہل حکمران ہیں۔

پی پی پی رہنما نے کہا کہ حکومت کے پاس ملک چلانے کا کوئی پروگرام نہیں۔

انھوں نے یہ بھی کہا کہ موجودہ حکومت کے دور میں ہر چیز مہنگی کردی گئی ہے۔

شرجیل میمن کا کہنا تھا کہ تحریک انصاف کے اراکین عمران خان اور ان کی پالیسی سے بیزار ہیں۔

قومی خبریں سے مزید