آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارتی گلوکارہ شریا گھوشال کے ہاں جلد ننھے مہمان کی آمد متوقع

بھارتی میوزک انڈسٹری کی مقبول ترین گلوکارہ شریا گھوشال کے ہاں جلد ننھے مہمان کی آمد متوقع ہے۔

اس حوالے سے شریا گھوشال نے اپنے تصدیق شدہ انسٹاگرام اکاؤنٹ پر اپنی نئی تصویر شیئر کرتے ہوئے مداحوں کو ایک بڑی خوشخبری سُنائی۔


شریا گھوشال نے اپنی پوسٹ کے کیپشن میں لکھا کہ ’بہت جلد ہمارے ہاں ننھا مہمان آنے والا ہے۔‘

گلوکارہ نے اپنے مداحوں سے مخاطب ہوتے ہوئے لکھا کہ ’میں اور میرے شوہر آپ سب کے ساتھ اس خبر کو شیئر کرنے پر بےحد خوش ہیں۔‘

اُنہوں نے مزید لکھا کہ ’زندگی کے اس نئے سفر کا آغاز کرنے کے لیے ہمیں آپ سب کے پیار اور دُعاؤں کی بہت ضرورت ہے۔‘

دوسری جانب شریا گھوشال کے شوہر نے بھی انسٹاگرام پر اہلیہ کی تصویر شیئر کرتے ہوئے لکھا کہ ’میں شریا کے ساتھ ہماری زندگی کے اس نئے باب کی شروعات کا انتظار نہیں کرسکتا۔‘


اُنہوں نے اپنی زندگی کی اس بڑی خوشخبری پر بےحد خوشی کا اظہار بھی کیا۔

شریا گھوشال اور اُن کے شوہر کی یہ پوسٹ دیکھنے کے بعد دُنیا بھر میں موجود اُن کے مداح اُن کے لیے نیک خواہشات کا اظہار کررہے ہیں۔

واضح رہے کہ کانوں میں رس گھولتی شریا کی مدھر آواز سننے والوں کو مدہوش کر دیتی ہے۔ 

بلاک بسٹر بالی ووڈ فلم عاشقی ٹو کی کامیابی کا سہرا بھی اس سریلی ملکہ کے ہی سر سجتا ہے۔ 

لاتعداد بالی وڈ فلموں میں گنگنانے والی شریا کئی ایوارڈز اپنی گیلری میں سجائے بیٹھی ہیں۔

انٹرٹینمنٹ سے مزید