الیکشن کمیشن شفاف انتخابات کرانے میں ناکام ہوا: صداقت علی عباسی

پاکستان تحریکِ انصاف (پی ٹی آئی) کے رہنما صداقت علی عباسی کہتے ہیں کہ الیکشن کمیشن شفاف الیکشن کرانے میں ناکام ہوا ہے۔

یہ بات پاکستان تحریکِ انصاف (پی ٹی آئی) کے رہنما صداقت علی عباسی نے ’جیو نیوز‘ کے مارننگ شو ’جیو پاکستان‘ میں گفتگو کرتے ہوئے کہی ہے۔

ہماری حکومت کو مہنگائی کے سوا کوئی سیاسی چیلنج نہیں، صداقت عباسی

کراچی (ٹی وی رپورٹ) تحریک انصاف کے رہنما صداقت علی...

وہ وزیرِ اعظم عمران خان کی جانب سے اعتماد کا ووٹ لینے کے فیصلے پر اپنے خیالات کا اظہار کر رہے تھے۔

صداقت علی عباسی نے کہا کہ سپریم کورٹ نے الیکشن کمیشن کو دھاندلی روکنے کے احکامات دیئے تھے، ارکانِ اسمبلی اس لیے بکتے ہیں کہ خریدار موجود ہوتے ہیں۔

ان کا مزید کہنا ہے کہ اسلام آباد کے سینیٹ الیکشن میں اپوزیشن اتحاد پاکستان ڈیموکریٹک موومنٹ (پی ڈی ایم) کی نہیں نوٹوں کی کامیابی ہوئی ہے۔

پاکستان تحریکِ انصاف (پی ٹی آئی) کے رہنما کا یہ بھی کہنا ہے کہ اراکین کے بکنے اور خریدنے کا دھندا چل رہا ہے، جسے ہم ختم کرنا چاہتے ہیں۔