آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ایس ایل ملتوی ہونے پر غیر ملکی کھلاڑیوں کا شائقین کرکٹ کو حوصلہ

پاکستان سُپر لیگ کے سیزن 6 کے اچانک ملتوی ہونے پر لیگ میں شامل غیر ملکی کھلاڑیوں نے شائقین کرکٹ کو حوصلہ دیتے ہوئے ویڈیو پیغامات جاری کیے ہیں۔


 کوئٹہ گلیڈی ایٹرز کی نمائندگی کرنے والے ڈیل اسٹین اور بین کٹنگ کا کہنا ہے کہ ٹورنامنٹ ملتوی ہوا ہے لیکن شائقین امید کا دامن مت چھوڑیں۔

انہوں نے کہا کہ جب ٹورنامنٹ بحال ہوگا تو اچھی کارکردگی کا سلسلہ برقرار رکھیں گے۔

 جنوبی افریقی فاسٹ بولر ڈیل اسٹین نے کہا کہ جب ٹورنامنٹ بحال ہوگا ہم اچھی کارکردگی کا سلسلہ جاری رکھیں گے۔

انہوں نے یہ بھی کہا کہ ہم سب دوبارہ پاکستان آنے کو تیار ہیں۔

خیال رہے کہ کورونا کے بڑھتے کیسز کے باعث پی ایس ایل کا چھٹا ایڈیشن ملتوی کردیا گیا ہے۔

پاکستان سپر لیگ (پی ایس ایل) میں شریک دو ٹیموں کے مزید 3 کھلاڑیوں کے کورونا ٹیسٹ کی رپورٹ مثبت آئی جس کے سبب غیر ملکی کھلاڑی پریشانی میں مبتلا ہو گئے تھے۔

کھیلوں کی خبریں سے مزید