• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹریفک حادثہ ، خاتون سمیت دوافرادجاں بحق ،تین زخمی

میرا شہر
اسلام آباد
08 مارچ ، 2021
راولپنڈی (سٹاف رپورٹر)تھانہ رمنا کے علاقہ میں ٹریفک حادثہ میں ایک خاتون سمیت دوافرادجاں بحق اورتین زخمی ہوگئے ۔جی الیون سگنل پر تیز رفتار گاڑی نے سگنل پر کھڑی گاڑی کو ٹکر ماردی ۔ جس سے گاڑی میں سوار ایک ہی خاندان کی ایک خاتون سمیت 2 افراد موقع پر دم توڑ گئے جبکہ دو خواتین سمیت تین افراد شدید زخمی ہوگئے۔ حادثے کاشکارہونیوالے افراد سرگودھا میں شادی کی تقریب میں شرکت کے بعد واپس گھر آ رہے تھے ۔ واقعہ ہفتہ کی راتاڑھائی بجے پیش آیا۔ محمدذوالفقار نے پولیس کوبتایاکہ اپنی گاڑی نمبر ٹی اے 741 میں راولپنڈی آرہاتھا کشمیرہائی وے سیکٹرجی الیون میں اشارہ بندتھا جس پرہم نے گاڑی روک لی پیچھے سے گاڑی نمبر ایل ای بی 5920 آئی جس نے میری گاڑی کوپیچھے سے ہٹ کیا جس سےمحمد مسکین اور نگہت بی بی موقع پرجاں بحق اورمدعی ،ناہید بی بی اورروبینہ بی بی زخمی ہوگئے ۔ مدعی کے مطابق کار کے ڈرائیورابوبکرکے ہمراہ عائشہ غفوراورزوشہ نامی عورت اورسمیل عرف سنی سوارتھے مذکورہ مسماۃ نے بتایاکہ گاڑی کوابوبکرچلارہاتھاجوکہ اپنے ساتھی سنی کے ہمراہ گاڑی چھوڑکرموقع سے فرارہوگئے ۔ پولیس نے مقدمہ درج کرلیا۔
تازہ ترین