فرمان الہی
نماز کے اوقات
لاہور(صباح نیوز) قومی احتساب بیورو (نیب) لاہور نے کیپٹن (ر)صفدر کیخلاف آمدن سے زائد اثاثہ جات انکوائری میں مریم نواز کو بھی شامل تفتیش کرنے کا فیصلہ کرلیا۔قومی احتساب بیورو لاہورنے کیپٹن (ر)صفدر کیخلاف جاری انکوائری میں مریم نواز کے بے نامی حصہ دار ہونے کے ثبوت ملنے کا دعویٰ کیا ہے، لیگی رہنما اور مریم نواز کے شوہر کیپٹن(ر)صفدر کیخلاف آمدن سے زائد اثاثہ جات انکوائری میں اہم پیش رفت سامنے آئی اور نیب لاہور نے مریم نواز کو بھی شامل تفتیش کرنے کا فیصلہ کرلیا۔ نیب لاہور نے کہا کہ مریم نواز کے کیپٹن (ر)صفدر کی بے نامی دار ہونے کے شواہد ملے ہیں، کیپٹن (ر)صفدر نے مریم نواز کے نام پر سندر میں 109 ایکڑ اراضی، موضع مال میں 377کنال 12 مرلے، موضع بدوکی میں 62 کنال 2 مرلے اور رائیونڈ روڈ پر 14 کنال 1 مرلے کی قیمتی زمین خرید رکھی ہے جبکہ مریم نواز تحصیل رائیونڈ میں 200 ایکٹر کی اراضی کی بے نامی دار ہیں۔
