فرمان الہی
نماز کے اوقات
لاہور( نمائندہ جنگ)نیب لاہورنے مسلم لیگ (ن) کی نائب صدر مریم نواز کو 26 مارچ کو ایک اور کیس میں بھی طلبی کا نوٹس جاری کر دیا ۔ نیب لاہور نے مریم نواز کوجاتی امرا ء میں 1500 کنال اراضی کی مبینہ غیر قانونی منتقلی کی تحقیقات میں بھی طلب کر لیا ہے : نیب نے مختلف اداروں سےکیپٹن صفدر ،انکےبیوی بچوں اور والدین کی جائیداد کا ریکارڈ مانگ لیا ۔مریم نواز پر الزام ہے کہ 2013 میں شریف فیملی نے کم و بیش ساڑھے 3 ہزار کنال اراضی انتظامیہ کی مبینہ ملی بھگت سے حاصل کی، 2015 میں اس وقت کے ڈی سی او نورالامین مینگل اور ڈی جی ایل ڈی اے احد خان چیمہ و دیگر کی مبینہ ملی بھگت سے لاہور کا ماسٹر پلان ہی تبدیل کروا دیا گیا۔ جاتی امرا ء میں ہزاروں کنال اراضی کو گرین لینڈ ایریا ڈکلیئر کروایا گیا ۔نیب لاہور کے نوٹس میں مریم نواز کو ہدایت کی گئی ہے کہ تمام مطلوبہ ریکارڈ ہمراہ لائیں ۔
