فرمان الہی
نماز کے اوقات
پاکستان کے دارالحکومت اسلام آباد میں عالمی وبا کورونا وائرس کے مثبت کیسز کی شرح 8.5 فیصد تک جا پہنچی ہے۔
ڈسٹرکٹ ہیلتھ آفیسر اسلام آباد کے مطابق دارالحکومت اسلام آباد میں گزشتہ 24 گھنٹوں کے دوران کورونا وائرس کے 620 کیسز رپورٹ ہوئے ہیں جبکہ کورونا وائرس کے مثبت کیسز کی شرح 8.5 تک پہنچ گئی ہے۔
ڈسٹرکٹ ہیلتھ آفیسر اسلام آباد کا بتانا ہےکہ کورونا وائرس کی پہلی لہر میں اسلام آباد شہر میں ایک دن میں 771 کیسز رپورٹ ہوئے تھے جبکہ دوسری لہر میں میں سب سے زیادہ مثبت کیسز 571 رپورٹ ہوئے۔
ڈسٹرکٹ ہیلتھ آفیسر اسلام آباد کی جانب سے شہریوں سے کورونا ایس او پیز پر عمل کو یقینی بنانے کی اپیل کی گئی ہے۔
واضح رہے کہ پاکستان میں 24 گھنٹے کے دوران کورونا ٹیسٹ مثبت آنے کی شرح 8 فیصد ہوگئی ہے جبکہ کورونا وائرس سے ایک دن میں مزید 40 افراد جاں بحق ہوئے۔
