فرمان الہی
نماز کے اوقات
ممبئی (مانیٹرنگ ڈیسک)بولی وڈ اداکار فرحان اختر کی فلم طوفان کا ٹیزر ریلیز ہوگیا ہے۔ بھاگ ملکھا بھاگ کے بعد ایک بار پھر سے فرحان جان دار کردار میں نظر آنے والے ہیں۔ فلم میں فرحان اختر ایک باکسر کا کردار ادا کررہے ہیں۔ فلم 21 مئی 2021 کو او ٹی ٹی پلیٹ فارم پر ریلیز کی جائے گی۔ ٹیزر سامنے آنے کے بعد ریئل لائف باکسنگ چیمپئن وجیندر سنگھ بھی فرحان کی تعریف کئے بغیر نہیں رہ پائے۔ انہوں نے سوشل میڈیا ٹویٹر ہر فرحان اختر کا شکریہ ادا کیا ہے۔سال 2008 کے بیجنگ اولمپک میں بھارت کیلئے برونز میڈل جیتنے والے گلوبل باکسنگ چیمہئن وجیندر سنگھ نے ٹیزر دیکھنے کے بعد ٹویٹ کیا ۔ انہوں نے لکھا کہ ٹیزر زبردست ہے! باکسنگ کو میپ پر لانے کیلئے شکریہ۔ فرحان اختر کو بہت۔بہت نیک خواہشات۔’طوفان‘ جیسی باکسنگ فلم کے لئے ایک اولمپک مشہور باکسر کا تعریف حاصل کرنا سب سے بڑی حمایت ہے۔ وجیندر سنگھ 2006 ، 2010 اور 2014 کےکامن ویلتھ کھیلوں میں بھی بھارت کی نمائندگی کرچکے ہیں۔وجیندر سنگھ کے اس ٹویٹ کا فرحان اختر نے بھی جواب دیا ہے۔ فرحان نے لکھا کہ ʼشکریہ وجندر سنگھ جی۔ میپ پر تو آپ نے اور آپ جیسے ملک کی نمائندگی کرنے والے ہر ایک باکسر نے ڈالا ہے۔ آپ ہیں تو طوفان ہے۔فرحان کے اس جواب اور تعریفوں کیلئے وجیندر سنگھ بھی ایک اور ٹویٹ کرکے ان کا پھر سے شکریہ ادا کیا ہے۔
