شہزاہ ہیری کو نوکری مل گئی

شہزادہ ہیری کو امریکی کمپنی ’بیٹر اپ‘ میں چیف امپیکٹ آفیسر کے عہدے پر نوکری مل گئی۔

غیر ملکی میڈیا رپورٹس کے مطابق شہزادہ ہیری شاہی خاندان سے دستبردار ہونے کے بعد یہ ان کی پہلی ملازمت ہے۔

’بیٹر اپ‘ امریکا کی کوچنگ اور ذہنی صحت کے حوالے سے کام کرنے والی  معروف کمپنی ہے۔

ہیری کے ترجمان کے مطابق شہزادہ ’بیٹر اپ‘ میں بطور چیف امپیکٹ آفیسر فرائض سرانجام دیں گے۔

یاد رہے کہ جنوری 2020 میں شاہی خاندان کے سینیئر ارکان کی حیثیت سے دستبردار ہونے اورمالی خودمختاری کیلئے اپنے ارادوں کا اعلان کرنے والی اس جوڑی نے رواں سال 9 مارچ کو شاہی خاندان سے باضابطہ طور پر علیحدگی کا اعلان کیا تھا جس کے بعد انہیں آمدنی کا کوئی مناسب ذریعہ درکار تھا۔

بیٹی ہوگی یا بیٹا؟ میگھن نے بتادیا

برطانوی شہزادہ ہیری اور اُن کی اہلیہ میگھن مارکل نے اپنے ہاں نئے آنے والے مہمان کی جنس کے حوالے سے انکشاف کیا ہے کہ ان کے ہاں بیٹی کی پیدائش ہوگی۔

خیال رہے کہ مئی 2018 میں شادی کرنے والے ہیری اور میگھن کا ہاں گزشتہ برس 6 مئی کو پہلے بیٹے کی پیدائش ہوئی تھی۔

ہیری اور میگھن کے بیٹے کو ’ماسٹر آرچی ماؤنٹ بینٹن ونڈسر‘ کا نام دیا گیا تھا۔ ’آرچی‘ کے نام سے پہلے شہزادے کا لقب استعمال نہیں کیا گیا بلکہ ان کے نام سے پہلے ماسٹر لگایا گیا۔