ہیری اور میگھن کے سنسنی خیز انٹرویو کے دنیا بھر میں چرچے

09 مارچ ، 2021

برطانوی شہزادہ ہیری اور اُن کی اہلیہ میگھن مارکل کے اوپرا ونفرے کو دیے گئے تہلکہ خیز انٹرویو کے دنیا بھر میں چرچے ہیں، انٹرویو کا لیڈی ڈیانا کےمتنازع انٹرویو سے موازنہ کیا جارہا ہے۔

یہ بھی پڑھیے

برطانوی شہزادہ ہیری اور اہلیہ میگھن کے انٹرویو نے دنیا بھر میں ہلچل مچا دی ہے، سنسنی خیز انٹرویو ٹی وی چینلز اورعالمی میڈیا کی توجہ کا مرکز بن گیا، کئی ٹی وی چینلز اور اخبارات نے شہ سرخیوں میں جگہ دی۔

انٹرویو پر دنیا بھر سے ملا جلا ردعمل سامنے آرہا ہے، کہیں کہا جارہا ہے کہ شاہی خاندان جوڑے کو نسل پرستانہ رویوں سے بچانے میں ناکام رہا تو کوئی شاہی خاندان کی حمایت میں سامنے آیا۔

سوشل میڈیا پلیٹ فارمز پر ہیش ٹیگ ’ہیری اینڈ میگھن آن اوپرا‘ ٹاپ فائیو میں ٹرینڈ کرنے لگا۔

دوسری جانب برطانوی میڈیا رپورٹس کے مطابق برطانوی شہزادہ ہیری اور اہلیہ میگھن کے نسل پرستی کے دعوؤں پر رد عمل کے لیے شاہی محل کو دباؤ کا سامنا ہے۔

تازہ ترین