گیلانی کے قائد حزبِ اختلاف بننے سے سینیٹ کا وقار بڑھے گا: شازیہ مری

مرکزی سیکرٹری اطلاعات پیپلزپارٹی پارلیمنٹیرینز شازیہ مری نے کہا ہے کہ سینیٹ میں یوسف رضا گیلانی کے قائد حزبِ اختلاف بننے سے سینیٹ کا وقار بڑھے گا۔

شازیہ مری نے اپنے ایک بیان میں کہا کہ سینیٹ میں حزب اختلاف کے ممبران میں اکثریت پیپلزپارٹی کی ہے۔

اُنہوں نے کہا کہ سینیٹ میں قائد حزب اختلاف کا عہدہ پیپلز پارٹی کا جمہوری اور اخلاقی حق ہے۔

گیلانی کی کامیابی، مولانا فضل الرحمٰن اور بلاول بھٹو کو پہلے سے علم تھا

اسلام آباد ( فاروق اقدس)مصدقہ ذرائع سے معلوم ہوا...

پی پی رہنما نے یہ بھی کہا کہ پنجاب میں سینیٹ امیدواروں کے لیے سیٹنگ پر ہم نے نہ کوئی الزام لگایا اور نہ تنقید کی۔

شازیہ مری نے کہا کہ سینیٹر میں آزاد گروپ کا حزبِ اختلاف کا حصہ بننا پاکستان ڈیموکریٹک موومنٹ (پی ڈی ایم) کی فتح ہے۔

اُن کا مزید کہنا تھا کہ سینیٹ میں حزبِ اختلاف ارکان میں اضافہ چیئرمین بلاول بھٹو کی قائدانہ صلاحیت کے باعث ہے۔