آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

یوکرائن کا طیارہ گرانے کا الزام، 10 عہدیداروں پر فرد جرم عائد

ایران میں گزشتہ سال یوکرائن کے مسافر طیارے کو مار گرانے کے الزام میں 10 عہدیداروں پر فرد جرم عائد کردی گئی۔

عرب میڈیا کے مطابق ایران کے ایک فوجی پراسیکیوٹر نے یوکرائن کے طیارہ حادثے پر پیش رفت سے آگاہ کیا۔

ان کا کہنا ہے کہ 10ملزمان کو بہت جلد عدالت میں پیش کیا جائے گا، 10 افراد کو انضباطی کارروائی کا سامنا ہوگا جن میں انہیں ملازمت سے رخصت یا مدت ملازمت میں تخفیف بھی ہوسکتی ہے تاہم فوجی پراسیکیوٹر نے ملزمان کے نام بتانے سے گریز کیا ہے۔

گزشتہ سال ایرانی میزائل لگنے سے تہران سے اڑنے والا یوکرائن کا طیارہ گر کر تباہ ہوگیا تھا جس میں سوار تمام 176 مسافر ہلاک ہوگئے تھے، ایران نے واقعے کو انسانی غلطی قرار دیا تھا۔

بین الاقوامی خبریں سے مزید