آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

این اے 75 ضمنی انتخاب، الیکشن کمشنر پنجاب کی امیدواروں سے ملاقات

الیکشن کمشنر پنجاب غلام اسرار خان نے قومی اسمبلی کے حلقہ این اے 75 کے ضمنی انتخاب کے امیدواران سے ملاقات کی ہے۔ 

الیکشن کمشنر پنجاب نے امیدواران کو الیکشن کمیشن آف پاکستان (ای سی پی) کی ہدایات سے آگاہ کیا۔

غلام اسرار خان نے بتایا کہ حلقے میں انتخابی مہم کا وقت آج ختم ہوچکا ہے، حلقہ میں اسلحہ کی نمائش پر مکمل پابندی ہے۔

ان کا کہنا تھا کہ امیدواران قانون نافذ کرنے والے عملے کے ساتھ تعاون کریں، پولنگ کے روز امن و امان قائم رکھیں۔

غلام اسرار خان نے یہ بھی کہا کہ پولنگ ایجنٹس پریزائیڈنگ افسر سے فارم 45 وصول کیے بغیر پولنگ اسٹیشن سے نہ جائیں۔

قومی خبریں سے مزید