آپ آف لائن ہیں
اتوار27؍شعبان المعظم 1442ھ 11؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

متعدد یورپی ممالک میں ایسٹرازینیکا ویکسین کیلئے عمر کی حد مقرر

یورپی میڈیسن ایجنسی کی جانب سے ایسٹرازینیکا ویکسین اور خون جمنے  کے تعلق کی تصدیق کے بعد برطانیہ، جرمنی، فرانس، اٹلی، بیلجیئم سمیت متعدد یورپی ممالک نے ایسٹرازینیکا ویکسین استعمال کے لیے عمر کی حد مقرر کر دی۔

دوسری جانب برازیل اور آسٹریا نے ویکسین پر اعتماد کا اظہار کرتے ہوئے اس کے استعمال میں تبدیلی نہ کرنے کا فیصلہ کیا ہے۔

برطانیہ میں ماہرین نے 30 سال سے کم عمر افراد کو متبادل ویکسین اور ایسٹرازینیکا کی پہلی خوراک لگوانے والوں کو دوسری خوراک بھی اسی ویکسین کی لگوانے کو کہا ہے۔

فرانس، بیلجیئم، کینیڈا میں 55 سال سے کم، آسٹریلیا میں 50 سال سے کم، اٹلی، اسپین، جرمنی، نیدرلینڈز، فلپائن، ایسٹونیا میں 60 سال سے کم اور سوئیڈن، فن لینڈ میں 65 سال سے کم عمر افراد کو ایسٹرازینیکا ویکسین نہیں لگائی جائے گی۔


کیمرون، ڈنمارک اور ناروے میں ایسٹرازینیکا ویکسین کا استعمال عارضی طور پر معطل ہے جبکہ ہنگری، آئس لینڈ، آئرلینڈ، لیٹویا، لتھوینیا، میکسیکو، رومانیہ، تھائی لینڈ میں ایسٹرازینیکا ویکسین کا استعمال بغیر کسی تبدیلی کے جاری ہے۔

بین الاقوامی خبریں سے مزید