فرمان الہی
نماز کے اوقات
کراچی (ٹی وی رپورٹ)وفاقی وزیربرائے ہوابازی غلام سرور نے کہا ہے کہ نہیں سمجھتا کہ اسد عمر یا اعظم خان جہانگیرترین کیخلاف کچھ کررہے ہیں،پی ٹی آئی کو کسی بڑے چیلنج کا سامنا نہیں ہے ،جو غلطیاں ہم نے ڈھائی سال میں کی ہیں انہیں درست کرکے آگے بڑھیں گے ۔
ان خیالات کا اظہار انہوں نے ایک انٹرویو میں کیا۔ غلام سرور نے کہا کہ کابینہ میں پی ٹی آئی کے نظریاتی رہنما اورکاروبارکی سمجھ بوجھ رکھنے والے ماہرین بھی ہیں ،کاروباری ماہرین کی اپنی آراء ہیں ہم جیسے کارکنان کی اپنی ترجیحات ہیں،کابینہ میں ہماری آواز کمزور ہے اور کم سنی جاتی ہے کیوں کہ کاروباری برادری منظم ہے ان کی آواز زیادہ سنی جاتی ہے ۔
کسان ،زمینداراورزراعت سے وابستہ لوگ زیادہ منظم نہیں ہیں اس لئے کابینہ میں ایسی پالیسیاں بنائی جاتی ہیں جو کاروباری طبقے کے فائدے میں ہوں ۔ وزیراعظم سمجھتے ہیں کہ ٹیکنوکریٹ ملک کیلئے ضروری ہیں۔
