جبران ناصر نے نکاح کی مکمل ویڈیو شیئر کردی
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جبران ناصر نے نکاح کی مکمل ویڈیو شیئر کردی

پاکستان کے معروف سماجی کارکن جبران ناصر نے اداکارہ منشا پاشا کے ساتھ ہونے والے اپنے نکاح کی مکمل ویڈیو سوشل میڈیا پر شیئر کر دی ہے۔

گزشتہ روز نکاح کے خوبصورت بندھن میں بندھنے والی نئی جوڑی منشا پاشا اور جبران ناصر کی جانب سے اپنے سوشل میڈیا پلیٹ فارمز پر اپنے نکاح کے خوبصورت لمحات مداحوں کے ساتھ شیئر کرنے کا سلسلہ جاری ہے۔

جہاں منشا پاشا اور جبران ناصر دونوں کی جانب سے اپنے نکاح کی خوبصورت تصویریں مداحوں کے ساتھ شیئر کی گئی ہیں وہیں کچھ دیر قبل جبران ناصر کی جانب سے اپنے نکاح کی  مکمل ویڈیو سوشل میڈیا پر شیئر کی گئی ہے جس میں دیکھا جا سکتا ہے کہ اس خوبصورت جوڑی کا نکاح معروف اسلامی اسکالر جاوید غامدی نے پڑھایا ہے۔


جبران ناصر نے نکاح کی ویڈیو شیئر کرتے ہوئے ساتھ میں لکھا ہے کہ ’جاوید غامدی صاحب کی جانب سے میاں بیوی کے مساوی حقوق سے متعلق دیا گیا خوبصورت بیان۔‘

جبران ناصر کا ویڈیو شیئر کرتے ہوئے مزید کہنا تھا کہ ’ہم جاوید غامدی صاحب کی جانب سے بتائی گئی میاں بیوی کے مساوی حقوق اور ذمہ داریوں سے متعلق یہ خوبصورت اسلامی تعلیمات آپ سب سے شیئر کرنا چاہتے تھے۔‘

جبران ناصر کی جانب سے 6 منٹ 59 سیکنڈ کی اس ویڈیو میں نکاح سمیت نکاح کا بیان بھی موجود ہے۔

انٹرنیٹ صارفین کی جانب سے جبران ناصر کی اس ویڈیو کو خوب پسند کیا جا رہا ہے جبکہ کمنٹ باکس میں ازدواجی رشتے میں بندھنے والی اس نئی جوڑی کو ڈھیر ساری مبارکبادیں اور نیک تمنائیں بھی موصول ہو رہی ہیں۔

انٹرٹینمنٹ سے مزید