کیوبا: Raul Castro کے استعفے سے کاسترو خاندان کا دورِ قیادت ختم

کیوبا کی کمیونسٹ پارٹی کے سربراہ رول کاسترو نے عہدے سے مستعفی ہونے کی تصدیق کر تے ہوئے کہا ہے کہ ان کے مستعفی ہونے کے بعد کیوبا کے عوام کو 6 دہائیوں سے ملنے والی کاسترو خاندان کی رہنمائی میسر نہیں رہے گی۔

رول کاسترو نے مستعفی ہونے کا اعلان 8 ویں کانگریس کے افتتاح کے موقع پر کیا۔

کیوبا کی کمیونسٹ پارٹی کے سربراہ رول کاسترو کا عہدے سے مستعفی ہونے کا اعلان

کیوبا کی کمیونسٹ پارٹی کے سربراہ رول کاسترو نے عہدے سے مستعفی ہونے کا اعلان کردیا۔

ان کا کہنا تھا کہ وہ اپنے ہم وطنوں کی طاقت، مثالی نوعیت اور فہم پر پختہ یقین رکھتے ہیں۔

مستفعی ہونے والے کمیونسٹ پارٹی کے سربراہ نے کہا کہ ملک، انقلاب اور سوشل ازم کے دفاع کے لیے ہر دم تیار رہیں گے۔

رول کاسترو نے کہا کہ وہ ملک کے مستقبل اور مشن کی تکمیل کے حوالے سے پر اعتماد ہیں۔

رول کاسترو نے اپنے بعد پارٹی کے سربراہ کے نام کا اعلان نہیں کیا ہے۔

رول کاسترو کے مستعفی ہونے سے 1959ءکے انقلاب سے شروع ہونے والی کاسترو خاندان کی باضابطہ قیادت کا دور ختم ہو جائے گا۔