میرا صرف نکاح ہوا، رخصتی اگلے سال ہوگی: شہزین راحت

حال ہی میں خاموشی سے نکاح کرنے والی شوبز انڈسٹری کی اداکارہ شہزین راحت نے مداحوں کی کشمکش دور کرتے ہوئے کہا ہے کہ ابھی اُن کا صرف نکاح ہوا ہے جبکہ رخصتی اگلے سال ہوگی۔

شہزین راحت نے اپنے آفیشل انسٹاگرام اکاؤنٹ پر اپنے نکاح کی تقریب کی نئی تصویریں شیئر کی ہیں۔

انسٹاگرام پر شیئر کی گئی تصویروں میں شہزین راحت سفید اور جامنی رنگ کے خوبصورت لباس میں ملبوس ہیں جبکہ اُن کے شوہر محبت بھری نگاہوں سے اپنی اہلیہ کی طرف دیکھ رہے ہیں۔

اداکارہ شہزین راحت رشتہ ازدواج میں منسلک ہوگئیں

پاکستان کی اداکارہ شہزین راحت رشتہ ازدواج میں منسلک ہوگئیں۔

شہزین راحت نے اپنے نکاح کی تقریب کی یہ دلکش تصویریں انسٹاگرام پر شیئر کرتے ہوئے لکھا کہ ’بہت سارے اس کشمکش میں مبتلا ہیں کہ نکاح کے ساتھ میری رخصتی بھی ہوگئی ہے۔‘

اداکارہ نے کہا کہ ’ابھی میرا صرف نکاح ہوا ہے جبکہ انشاءاللّہ! رخصتی کی تقریب کا انعقاد اگلے سال کیا جائے گا۔‘

شہباز شگری کی سابقہ اہلیہ نے دوسری شادی کی نئی تصاویر جاری کردیں

پاکستانی ماڈل و اداکار شہباز شگری کی سابقہ اہلیہ اور اداکارہ عائشہ لینیا نے اپنی دوسری شادی کی نئی تصویریں سوشل میڈیا پر جاری کردیں۔

اُنہوں نے سوشل میڈیا پر ملنے والے محبت بھرے پیغامات اور نیک تمناؤں کے لیے تمام مداحوں اور دوستوں کا بھی شکریہ ادا کیا۔

اس کے ساتھ ہی شہزین راحت نے اپیل کی کہ اُنہیں اور اُن کے شوہر کو لازمی دُعاؤں میں یاد رکھا جائے۔

منشا پاشا اور جبران ناصر نے نکاح کرلیا

پاکستان فلم و ٹی وی انڈسٹری کی معروف اداکارہ منشا پاشا اور نامور سماجی کارکن جبران ناصر نے نکاح کرلیا۔

واضح رہے کہ شہزین راحت پاکستان کی ابھرتی ہوئی اداکارہ ہیں جو پاکستان شوبز انڈسٹری کے متعدد ڈراموں اور فلموں میں معاون اداکارہ کے طور پر اداکاری کے جوہر دکھا چکی ہیں۔