سعودی عرب: ریسٹورنٹ میں ویٹر انسان نہیں بلکہ روبوٹس

21 اپریل ، 2021

کورونا وائرس وبا کے پھیلاؤ کو ریسٹورنٹ میں کم سے کم کرنے کے لیے سعودی عرب کے ایک ریسٹورنٹ میں روبوٹس ویٹر کا کام کرنے لگے۔

عرب میڈیا رپورٹ کے مطابق یہ ریسٹورنٹ سعودی عرب کے شہر جازان میں ہے، اور اس میں اس وقت 6 روبوٹس یہ کام سرانجام دے رہے ہیں۔

ریسٹورنٹ میں روبوٹس کی انسٹالیشن اور اس کا نظام ریحام عمر نامی ایک سعودی خاتون انجینیئر نے تیار کیا ہے۔

ان کا کہنا تھا کہ یہ نظام سینسرز کی مدد کے تحت چل رہا ہے، جبکہ یہ روبوٹس بھی سنسنر کی مدد سے ہی اپنے راستے میں آنے والی کسی بھی چیز کو بھانپ لیتے ہیں اور رک جاتے ہیں، جس کے باعث ٹکرانے یا کھانا گرنے کا چانس بھی کم ہوجاتا ہے۔

دوسری جانب ریسٹورنٹ میں آنے والے گاہگ بھی اس نظام کی وجہ سے کافی متاثر ہورہے ہیں اور اسے خوب پسند بھی کر رہے ہیں۔

تازہ ترین