• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور،کورونا وائرس ایس او پیز کاشعور اجاگر کرنے کیلئے واک

میرا شہر
پشاور
28 اپریل ، 2021
پشاور ( وقائع نگار)کورونا وائرس کی تیسری لہر کے ایس او پیز اور ماسک کے استعمال کے حوالے سے عوام میں شعور اجاگر کرنے کے لئے ٹائون تھری انتظامیہ کی جانب سے واک کا اہتمام کیا گیا جبکہ بعد میں عوام میں ہزاروں مفت ماسک بھی تقسیم کردئیے گئے ‘مہم روزانہ کی بنیاد پر جاری رہے گی ٹائون تھری کے حدود جن میں یونیورسٹی ٹائون‘ گلبرگ ‘ نوتھیہ ‘ تہکال ‘ کوہاٹ رروڈاور دیگر علاقو ں میں موبائل وین کے ذریعے عوام میں فری ماسک تقسیم کئے گئے اس موقع پر ٹائون تھری انتظامیہ نے عوام کو تاکید کی کہ وہ حکومت کی طرف سے دئیے گئے ایس او پیز پر عملدرآمد کو یقینی بنا ئیں اور گھر سے نکلتے وقت ماسک کا استعمال ضرور کریں تاکہ کورونا وائرس سے محفوظ رہ سکیں اس موقع پر ایڈمنسٹریٹر ٹائون تھری فخر الاسلام نے کہاکہ عوام احتیاطی تدا بیر کا خاص خیال رکھیں اور ایک دوسرے سے فا صلہ رکھیں اور ہاتھوں کو باربار دھوئیں اور گھر سے نکلتے وقت ماسک کے استعمال کو یقینی بنائیں احتیاطی تدابیر سے ہی ہم کورونا کو شکست دے سکتے ہیں ۔
تازہ ترین